يا الي تقول اليوم ماشي على وين = بيني وبين البر باقي علاقه
علاقتاً ماهي جديده لها اسنين = معه العلاقه قبل اقص البطاقه
واللبر في قلبي محبه لاهل حين = ولا القدم ما كل مرقاب واقه
وليه عن المنهاج حروة اسبوعين = والبال ضاق من البلد وصتفاقه
لجه وصجه وازد حام ودخاخين = وتبلش لاونك ماهراً بسواقه
ياللي تقول السوق يجمع هل الزين = قلبي لشوف البر زاد اشتياقه
مرتاح لين احط شويه على يمين = واخذ مع الخط الطويل انطلاقه
ون بان لي تل (ن) مقابله تلين = أخذ يمين ومشيتي في رواقه
ونزل على فياضاً سوات البساتين = ريح النفل فيهن تقل ريح باقه
ذيك الفياض اللي ذكرها ابن حثلين = بعد انتحا عنها لهل الشوق ساقه
وليا نزلت اجمع من الرمث كومين= والنار اولعها بعرف ولباقه
ومن وارد الرسلان حضرت ثنتين = وصلحة فنجا لان لذيذن مذاقه
والهيل هو والبن كيف الصلاطين =ماهو بكيف اهل الروج الدقاقه
وقمت اتلافت وين راع البعارين = واللي يرحب بضيوف ابشفاقه
ولاني من اهل البل ولا من هل الضين = لكن لي اهل المراجل رفاقه
البل تبي رجلاً رصيده ملا يين =وانا رصيدي ما يجيني بناقه
وتبالها وايت وصبيان حرصين = وقتن ما هوقت العصاء والعلاقه
علمي بها قدام خمسه وتسعين = يوم (ن) ابوي يودع اتلا نياقه
سني صغير ولا اعرف الشين والزين = عمري ثلاث وخمس ما له لحاقه
واليوم نفسي وين واللي تبي وين = مالي عاى اللي ترغب النفس طاقه
والا محبتها بوسط الشرايين =والقلب رايح من هواها احراقه