اسـر ياليـل والليلـة تطيـب العلـوم=مـن يقـدم علومـه يـاخـذ بدالـهـا
قـوم يالمورقـي والقـوم قـدام قـوم=ثـم هـات العـلـوم ودور جزالـهـا
لاسرا الليل تسري معه بعض النجـوم=ان سرى الليل ماتبقـى علـى حالهـا
فيه قـوم دفـاع وفيـه قـوم هجـوم=ميـر الاشـرار فـال الله ولا فالـهـا
مايجنب عن الميقـاف غيـر الرخـوم=ومـا وقـف للمهمـه غيـر رجالهـا
والله إنـا رجـال ولا نكـب السلـوم=وانت تعرف سليـم وتعـرف افعالهـا
هقوتي صاحبي نامـي يسـد اللـزوم=مـيـر فـيـه الاوادم وش يورّالـهـا
ياعرب ياعـرب لا تخلقـون امعـدوم=نعـرف النـاس راحلـهـا ونزالـهـا
شفت لي فالسما من عصر عج وغيـوم=قلـت اظنّـه ولكـن فـرّق خيالـهـا
شفت فالناس ناس وضافيتهـا الهـدوم=ولاتزيـن العمامـه غـيـر بعقالـهـا
إحمد الله ترى ماجـاك بـرد وسمـوم=فـي ذرا شجـرةٍ ظلـتـك بظلالـهـا
انت ثوبـك قصيـر ومسبـل بالكمـوم=ذكرتـنـي ثيـابـه هـرجـةٍ قالـهـا
لاتعم الخصـوص ولاتخـص العمـوم=من يضوي حمولـه غصـب يشتالهـا
انـت ودّك تحـول ياقـوي الـعـزوم=مـا تصفـق يمينـك غيـر بشمالـهـا
انـت مرتـاح قلبـك ماكلتـه الهمـوم=ما انت عارف حمول عقيـل وجمالهـا
لا تعـرض جنوبـك واردات السهـوم=تعـرف المعركـه ياصعـب فنجالهـا
ما يجيـك المنـام الليـل مافيـه نـوم=والعرب مانت مستولـي علـى مالهـا
مانذمـك ولانـي للنشـامـا ذمــوم=وان حضرت الفرس معروف خيالهـا
00000000000000=وانت مانته شريك الناس فـي اعمالهـا
ماانت ربي واصلي لجل وجهك واصوم=ليـت عنـا سليـم تــرد جهالـهـا
تعرف ان البنـادم فالزمـن مـا يـدوم=يـا جماهيـر بعـض النـاس يبغالهـا
من حجر ناوي اعديـك حـد الجمـوم=ليـن تحسـب مواقفنـا وتصحالـهـا
صح بعض العرب تحتاج فرك الخشوم=مثـل نامـي يبـى الفزعـه ويبرالهـا
شفت قوم تناقز فـوق روس الرجـوم=والحصا تجمعه فـي داخـل احثالهـا
لكن ارتاح نامي جاك وانـت مخـدوم=يابـو وافــي عتيـبـه لا تهيالـهـا
شفت لي قوم مسكنها بجوف الحـزوم=كيـف تنصـا سليـم وتنطـح جبالهـا
انت اشوفك من البارح تطيـح وتقـوم=لاتهوز العـلا يـا صعـب ميصالهـا
عقب حالت سنه حملت وولـدت بتـوم=واشغلـت سايـر العربـان بعيالـهـا
اشرب الهيل يابو زيـد والثـوم ثـوم=خابـرك مـن رجـال فـوق منزالهـا
البلا فـي عتيبـه يـوم كانـت عقـوم=وان نشدنـا العـرب يقلـون يرثالهـا