عنيـت يمـك قاصـدك يالذويبـي=حيثك عريب الساس من ومرا حرب
الابه اللـي يكرمـون الصحيبـي=ويطوعون اللي تعاوج عن الـدرب
الهقوه اللي فيـك ماضـن تخيبـي=كل المراجل والكرم شاربه شـرب
الطيب عنـدك حاضـرن مايغيبـي=ولا الـردا بعيـد مايقربـك قـرب
ابعد من الخليـج عـن الكريبـي=وابعد من الصمان عن ديرة الصرب
يكفيك حجرف بالزمـان الصعيبـي=تضرب به الامثال بالشرق والغرب
يذبح من البـل ماكفـاه الحليبـي=يوم الزمان اللي به الجوع والكرب

صح لسانك.

ونعم بالذوبة أخوان نورة.