بسم الله الرحمن الرحيم
السلام عليكم ورحمة الله وبركاته
الى الشاعر الغالي / همام الاحمدي
مجاراه اتمنى ان تحوز على رضاكم
يازينها لا صرت واقف على السيل = وتسمع قصايد من عزيزٍ قراها
لأهل المدينة يشتكي عسر المواصيل = يشكي جروحٍ في حياته رآها
ياحرةٍ في قلب جيلٍ بعد جيل = مزيونةٍ فالقلب وياما حلاها
في بعدها ذقت العناء ، ذقت أنا الويل = وفي قربها تايه ولاهي معاها
فيك اتغزل واطرد الهم وازيل = وجدٍ على وجدٍ فروحي اعتلاها
كل مبتعدنا عنك ميل ورى ميل = فالعين طيفٍ يدّهر من غلاها
يحرك شجوني وترسل مراسيل = رسايل من كل معنى حواها
واليوم نجني من ثمرك المحاصيل = نجني من فراق الحياة ومناها
واليوم تثبت فالمحبة تحاليل = علم الأطبة وضحولي هواها
المعذرة يا صاحب القصد والقيل = مداخله تروي من الشوق ماها
لصفحةٍ وسط المجالس قناديل = مثل النجوم العالية في سماها
ومثل الدلال اللي تبخر من الهيل = تشفي عليلٍ لو تعدى وقراها