يابن خيرالله تقدملي وزاني0 خلي علم(ن) جد مع العالم طريتة=كننا بالعلم يامحمد طباين0 قالها طرقـي وعجـل بالمسيـره
والسلام اقوله من عظمة لساني0عقب جاه العلم يوم اني شكيتة=وسجلوها ياجماعه بالديواين0بن نويمي قالها واخرج ضميـره

مرحبابك يالنويمي جيت ثاني.جاك علمي يوم انا علمك قريتـه=العلوم تسر والعالم تعاين.قالها صاحبـك مـن خبـره كبيـره
لك نثني لك سلامك في ثواني.والكلام يجيك من صاحب نصيته=سجلوها سجلوا والعلم باين.مرحبابك مع جماهيـر(ن) غفيـره

أه وا علم(ن) لفاني بالمكاني 0 يشهد الله يابـن خيـرالله نفيتـه=كيف سد الدين لاعودة داين 0 عادته يمسي ويصبح بالبصيـرة
وين حرب اللي يجيدون العواني 0 تحمي الضيفان حتى في مبيته=هونت ياصاحبي والعلم هاين 0 مانبي نحفر وندفن وسط بيـره

هات علمك دام هذا العلم باين0 وابـن ادم يهتـدي اليـا هديتـه=ماتسد الا البصيره والقراين0 والصبر طيب عسى فالامر خيـره
حرب موقفها شموخ بكل شاني0 وانت حربي بس ويش اللي نويته=هونت والهون عادة كل كاين0 كل هين خير من طرقـه عسيـره

كيف شاعر علم يشهدله لساني 0 اتركوه الربع وانتا ماقويتـه=يوم جاه الربع يحسب انه صاين 0 مادرو انه يساويله عشيـره
والله اني مانويت اشعب حصاني 0 لين جاني علمهم اللي قريته=يابن خيرالله ترى للعلم خاين 0 عدلوها قبل لا ينـوخ بعيـره

ماعليه اخلاف يا . يابورواني0 ثابت(ن) امره ونشهد له بصيته=كل سلعة سوق تشريها زباين0ماتبور بظاعة السوق الشهيـره
ثم ماشفته ولا ظنه لقاني0 كل ماتوحيـه انـا مثلـك وحيتـه=تو مادقوا على سلف المكاين0 ومابعد هلت سحايبها المطيـره

مايجيب إلا الجزيله بالمعاني 0 يشهد الله كم من علم(ن)جنيتـه=يالردادي لو يلفون المداين 0 مايرد للبير غيـر الذيـب غيـره
من يعاوني على سحب السواني 0 ثم ابا اعطيه علم(ن) ماعطيته=اكثر الشعار قالو بالمواين 0 لو بحور الشعر صارت بالجزيـره

خابر الموضوع بين احمد وهاني0 لا تظنه مهملاً يومك شريته=يالنويمي لويحطون الكماين0 مايقع ذيب(ن)له أنيابـاً خطيـره
لاتجر ولا تقول الوقت فاني0 كل عوداً يشتعل لا من بريتـه=اشهد ان الوضع لي ماهو بهاين0ياعسى ربك لنا يهدي مديره