يامسا الخير ياحرب مساكم الرضا = واردتنا صادره * للقلوب الصافيه
شفت لي اربع طيورٍ تحلق فالفضا = جارحه وكاسره * فالفضا حذافيه
مرحبا والكبش مشوي على جمر الغضا=يالضيوف الحاضرة .. أقلطوا بالعافية
طير طار وطير ميّت وذا قدْر وقضا=وأنت بشتك شامرة .. والمقادم حافية
سوقها وقودها مثل شدّات النضا = بالحمول الجايره * والشداد اردافيه
مر الشيخ ابو عصا على مجلس القضا = يسوي مبادره * مابين الاشرافيه
ساري الغدرا نعرفه بعلمٍ قد مضى=أنكبتك الساحرة .. وأخطفتك المافية
الطيور أشكال وألوان سودٍ وأبيضا=تجتمع متناقرة .. تفترق متعافية
علّمه يفتل حباله بعد ماينقضا = والليالي دايره * بالبلا ياكافيه
لو حصلك ماحصل ماظنيتك تنهضا =والمرض فالخاصره * والستيره ضافيه
أشهب الذرعان لا شاف ذيبه يربضا=والحصاني ماكرة.. تلتحف بلحافيه
كلما تكثر هجوسي عليك أفضفضا=لو تطير الباخرة .. عمكم صيافيه
ماظهرلك زبدة(ن) ياكثير الخضخضا = يالعيون الساهره * يالقلوب الغافيه
يانجيمه فالسما دوب نورك يومضا =الكواكب ظاهره * والنجيمه خافيه
الخديد معرمشا والخشيم معضعضا=ونار بندر نايرة .. وأنت نارك طافية
ما نبت لك ريش وشلون ريشك تنفضا=أثر عينك قاصرة .. في جنوبك هافيه