هـلا بالدعوجـي يـا مرحبـا مـن صافـي الهـوجـاس=حـمـد لاهـنــت تـكـفـا حـــط ( دعـــوه للـنـداويـه )
( عشا الليله .. سمايه للولد ) نـادوا جميـع النـاس=عـقـب سـمّـوه صـالــح يالـعـلـه يـصـلـح الـنـيـه .!
يـدوم الـك البقـا يابـنـدر العـوفـي عـريـب الـسـاس=ودربــك سـمـح ونـجـوم الـسـمـا تـبـقـى سـمـاويـه
عسى الله يحفظ العوفي من صروف الدهر والباس=ويصـبـح مـــن رجـــال نـارهــم فالمـرجـلـه حـيــه
رجال العِرف واهـل الديـن واهـل الفعـل والنومـاس=تـرى مـاهـم بحـاجـة دعــوة اهــل الظـلـم والسـيـه
تـرى منـت بشجـاعٍ لـو طعنـت كليـب يــا جـسـاس=عـلـيـك الله تـقـلّـي ويـــش ســمّــوه السـنـافـيـه ؟
بحـر يزمـي وليـل اظـلـم وحــبٍ داخــل المـهـراس=وعمـلـتـنـا وعـمـلــة بــنــدر الـعـوفــي سـعـوديــه
اشوفـك قـمـت ترميـهـا وتخلطـهـا ذهــب ونـحـاس=وتنشـب فـي ثيابـك وانــت بـيـن الشـمـس والفـيـه
نعـرف أن الغشيـم اللـي يحسـب أن اللـغـم يـنـداس=لـكــن إحـــذر قـبــل لتـجـيـك مـربـوعـه ومـثـنـيـه
مزون الصيـف تبـرق والمطـر مـا عسـه العسـاس=بـعــد هـبــت هـبــوب الــنــوّ شـرقـيــه وغـربـيــه
عليـك الله وامانـه لا يجـي فـي خـاطـرك وســواس=وانـــا مـاعـشـي الاصـحــاب مـــن رز الـبـخـاريـه
مـزون الصيـف مـرت مامطـرت ياسبعنـا الـفـراس=انــا سـيـرت فـــي هـــاك الـديــر بـاقــدام رجـلـيـه
على قول المثـل "عمـق البحـار ايكـذب الغطـاس"=وأعـرفـك فـالـكـرم مـــا تـذبــح الا ضـــان حـريــه
تقولـه مـيـر ريّــض لـيـن احــط الـبـن فالمحـمـاس=وابــي كــل الـسـوالـف بيـنـنـا بالحييـيـيـل سـريــه
توصيـنـي وانــا وصـيـك ياعـبـاس ابــن فـرنــاس=تــــرى مـاهـمـنـي فـالـوقــت لاهــــذي ولا ذيـــــه
يابندر طاح راس الكبش في وسط الصحن وانحاس=وانــا اصـلـي صــلاة الصـبـح بالـعـربـان جـهـريـه
أنـا وشلـون بصـرف فالجواهـر والذهـب والـمـاس=مـدام انـتـه غــدت عملـتـك وســط الـسـوق رُبـيّـه
فِقدرك طاح يا صالح عسـى ماانتـه عديـم احسـاس=ولا تـقــرب مسـاجـدنـا مــعــك ثــــوم المـلـوخـيـه