علي الحصني=
يامرحبا ترحيبـةٍ بيـن المصافـح و الهجـوم=مـن شاعـرٍ قـدام يبداهـا موثـق ساسهـا
يا أبن عطاء الله وش تسويبك عطيبات السهوم=دخلـت فالمحميـة اللـي وقفـوا حراسـهـا
تركي الميزاني=
دام البقاء رديـةٍ مـن طـاح منهـا مايقـوم=و أنا أعرف العالم و أميزها بحسب أجناسهـا
أنا أحمـد الله ماعليـه لاظـروف و لاهمـوم=وإلا أنت مثل الحيـة اللـي ماتبيـن راسهـا
علي الحصني=
المشكلة من خشمك اللي زاد عن بعض الخشوم=لاتأمن الدنيـا تبـأ تدخلـك فـوق أضراسهـا
ماطاب لك يالآدمي في سـد وجهـي مايـدوم=أظنها نبتة مطـر جاهـا العجـاج و حاسهـا
تركي الميزاني =
نبـأ العلـوم الطيبـة لكـن ماعنـدك علـوم=ياليت بعض النـاس بالمآقـف تعلـم ناسهـا
أمـا تقـدم بالخبـر و إلا تريـح و أمخـدوم=ترى صدور أهل المعانـي حاظـرٍ هوجاسهـا
علي الحصني=
أنا علومي للرجـال اللـي يعرفـون السلـوم=و ألا أنت دور نان سي عجـرم و قبـل رأسهـا
صليت فالمطران لكن فـي ثيابـك ريـح ثـوم=و أمطير لاصلت ورى تركي يزيـد اعطاسهـا
تركي الميزاني =
الفرق مامن فـرق بيـن الشـلاوى و البقـوم=يابانـي البنيـة تـراك أميِـلٍ فـي ساسهـا
أنا أحمد الله عزوتي شجعـان مافيهـم رخـوم=اصبر على الجمره مـن المطـران يالحاسهـا
علي الحصني =
مافيه فرق بينكم يـا أثنيـن ياغيـر الرقـوم=و انكانها دقت جرسك أرجـع و دق أجراسهـا
روح مديل ألفين و الحملة في ظهر الفين كـوم=يمشي و ياقف و الحـراره منقطـع حساسهـا
تركي الميزاني =
أخذ النصيحة ياعميلي و أستتر وسط الهـدوم=الارض ماكـلٍ يقيسهـا يـعـرف اقياسـهـا