هذه المحاورة جرت بين الشاعرين صياف الحربي ـ شفاه الله ـ والشاعر محمد المسعودي و بالمناسبة فإن الشاعر محمد المسعودي من شعراء هذيل الكبار وإن كان مظلوم إعلاميا و أذكر بيت قاله له صياف : يغيب الهلال ويبدي هلال ـــ أثر ناركم يا هذيل حية :




صياف :
الليلة الليلة نبا نلعب على الطرق القديم = ونجدد الوقت القديم ونستعيد الذاكـــــره
يا شين حظك يالغريم اللي لقينا لك غريم = بعد غفلت بلعبة البيلوت ثم الباصــــره[/poem]



محمد :
يا مطيب الطرقة مع الطرقي على الخط السليم = وانكان ما جات العلوم اليوم تاتي باكرة
أنا نويت آقف على جنبك وأدفك يالغشيم = و أذكرك ذاك الكلام إنكان ما أنته فاكـــره[/poem]



صياف :
القاضي اللي يطلب الشاهد بعد راح الخصيم = بكرة يجيه الخصم الآخر والشهود مسافرة
بكرة تجيك الشمس ما بينك وبين الشمس غيم = ياللي تسابقني على الغبة ولا لك باخرة[/poem]


محمد :
أنته توصيني على الدعوة وأنا حاضر مقيم = علومنا متقاربة وعلومكم متناثـــره
أنا ليامني نويت اضرب ضربتك فالصميم = والقبر له عامين في دار تحبه خابــره[/poem]



صياف :
لو عندكم تمرة يا أهل مكة مثل تمر القصيم = تحركون الأجنحة مثل الطيور الناكرة
يمكن يدينك طايلة ،، سبحانك الله العظيم = وأنته منول ما تعرف الواردة والصادرة [/poem]



محمد :
أنا أدري أنك صاحب الصاحب ولك قلب حليم = لكن ود العلم وأول ما تجيه تباشرة
أنا بغيت أنقذك وأنته ترغب العيشة يتيم = نسقيك كاس اليتم وأنته في سنتك العاشرة [/poem]



صياف :
من يوم كنا ما نعرف الا الطريق المستقيم = ما عندنا خانة تضايف ، والجنازة حاضرة
قرّبت من يسرى البخيل ورحت عن يمنى الكريم = أما عيونك نايمة وإلا هبوبك ساكره[/poem]



محمد :
أنته حديد سليم دايم ، وخلعوا قلبك سليم = وان شفت ضلك ند عينك تنفجع وتناظـره
أنا أعرف الأشرم ولا أناديه غير ابو شريم = ماعاد يسرع للسوالف والسنون الكاشرة [/poem]




صياف :
فالمعركة ما يسلمون إلا الشيابة والحريم = يا كثر ما راحت على المسلم يمينٍ شاطرة
أنته مسافر بعد بكره من نعيم إلى جحيم = لكن بالله فك باب الجيب قبل تغـــــادره[/poem]



محمد :
فالظهر تشويك السموم وصبح يعجبك النسيم = لا تحسبنك كاسب المعروف وانته خاسرة
اما سحاب صدق نوه يحيي عروق الهشيم = وإلا هذي الدنيا نصارعها ، وبصر الآخــره[/poem]



صياف :
أزعلت عشرة من خزاعة بين زمزم والحطيم = ومحمد المسعودي أرضيته وأخذت بخاطرة
لا طاحت التهمة على العالم وطلعنا التهيم = يبا يعلمنا قبل خنقه وقلع أظـــــــافره[/poem]




محمد :
تضحك مع خزاعة وعينك فالعسل وسط اليديم = وإليا نخيتك قلت دقوا للحرامي صافرة
أنكان مالبوك غير أنته ترى الشايب عقيم = تسلم ليا شافت جيوشي كل نفسٍ كافــره[/poem]



صياف :
يقسم ثمانمية من أهل الخير شيطانٍ رجيم = أربعمية تاكل تمر وأربع مية متناحرة
ياكثر جيشك يالغليم مير عندك جيش هيم = تبا تروح كلها حسب العلوم الظاهــره[/poem]



محمد :
نقرا على الشيطان بسم الله رحمن رحيم = يحشر بعون الله والقول المرتل حاشــــره
أهل الفصاحة والوفاء والصدق ما فيهم عديم = يبا يضيف الضيف ويصير المضيف خاطرة [/poem]



صياف :
ترى علامات الصيام تبين فالوجه الرسيم = هذي علامات الديانة والقلوب الشـــــاكره[/poem]