يامرحبا في حلةٍ تكرم الجيران و الضيف=أقولها من هيض بالي و من صادق فؤادي
الحربي اللي كل ليله يشيل الرمح و السيف=زاد العصيمي والزلامي و أبو زهره وزادي
أنته علامك يوم ترقص و طولت المحاريف=و البرق يبرق و السيول أقبلت مع كل وادي
أتهز شعابك و الأيام ماجاتك على الكيف=أتهز رأسك يالثبيتي مثل داب الجرادي
جاك المطر تزهم رعوده و قدامه عواصيف=وأنته تعرك في عيونك على حيد الشدادي
ماعندكم ياحرب غير الحكايا و السواليف=ماغار نقرأ فالجرايد و نسمع فالروادي
أنته عيونك حمر من كثر ماترقى المشاريف=ماعاد يبقى في عيونك بياض و لاسوادي
حنا رجالٍ نعرف العلم ماحنا ملاقيف=نزهم على الخيال فالصوت و إطيح الجوادي
أنته عيونك يوم تنظر بها مثل الكشاشيف=دايم تحرى بيننا للصباح و للهجادي
ماأذمك يا أهل الوفاء و الكرامة فأول الصيف=و إليا أنتهاء الصيف أنتهيتم و لانادى المنادي
حنا لياقمنا على الهون فرقنا المواليف=و إلا أنت غير أتحرث الجمر من تحت الرمادي