الاخوان والاخوات
الاعضاء والزوار
السلام عليكم ورحمة الله وبركاته
اقدم لكم ابياتي المتواضعه
امل ان ترتقي الى استحسانكم واعجابكم
البارحة يـوم الخلايـق نايمـة=النوم عيـا لايجـي عينـي أنـا
من سبة اللي عنهم عيني صايمة=اللي في وسط القلب من ثمره جنا
محبوب قلبي والمشاعـر هايمـة=النوم فارقنـي وفارقنـي الهنـا
حبه سكن قلبي وقامـت قايمـة=من يوم غادر والمشاعر في عنا
احيان اشوف العين تصبح عايمة=واحيان اصبرها واقـول الله لنـا
الصبـر لازم والخلايـق لايمـة=مهما حصل والوقت ماهو ملكنـا
ياقلبي لاتهمـك سحابـة غايمـة=تمطر سحابتنا وتسقـي زرعنـا
والله يجعلهـا محـبـة دايـمـة=افرح وتفرح بي ويكمـل حبنـا
يالله يـارب الطيـور الحايـمـة=ندعيك بالتوفيـق وأنـت ربنـا
تقبلوا تحياتي