|
|
ياليته كنت أنا كان قلبت الدنيا فوق راسها ...
بس للأسف مو أنا يا استاذي الفاضل ...
ومبدا ...
(( انكان عندك عازه عند ..... قله ياسيد ))
هذا اللي ضيعنا ...
استاذي ترى كل الظلمة خوافين بس هم مو شايفن
أحد يقدر يوقفهم عند حدهم ...
مثال استاذي ...
في احدى سنوات الدراسه ...
كنت طالبه مجدة وبالذات في الرياضيات ...
وكنت خدومه حيل للمدرسه وطاقمها من جميع النواحي ...
كنت أنا اللي أطبع لهم وكنت أخدمهم بكل شي ...
مرة كان علينا اختبار رياضيات تأخرت المعلمة وجات ومابقي
الا 10 دقائق وتنتهي الحصه ...
عطتنا اوراق الإختبار وانتهى الوقت وانا ماحليت الا القليل
10 دقائق لمادة رياضيات اجرام سحبت الأوراق مني وأصبت
بحالة هستيره ... وش أقول لأهلي عن الإختبار ...
سكت ورجعت البيت في اليوم ثاني جابت الأوراق ووزعتها
من الطبيعي درجتي كانت نازله بالمرة لني نص الأسئله ماحليتها
المهم رجعت البيت وعلى طول حكيت السالفه لأهلي من اولها لأخرها
عذروني لأنهم كانوا مذاكرين لي زين وعارفين قدراتي ...
ولو حسوا اني مهمله كان ما تحركوا ...
المهم ( أمي ) راحت الإدراة بالذوق كلمتهم ما أحد تفهم الأمر
ولا أعطوها بال ... وطلعوني كذابه ... وان المعلمه ماجات
متأخرة ولا يحزنون ... جنيت وجن جِنان ... ناديت يابنات تكلموا
قولوا الحق ... ما أحد رد ... ترجيت البنات ما أحد سمعني ...
يا الله تخيل نفسك قدام 30 طالبه وطاقم من الإدارة يشار لك بالبنان
ويقال لك انت كذاب ... طبعا أبوي ماسكت ...
ووصلها مواصيل لا تحمد عقباها ...
وأخذلي حقي وتمت اعادت الإختبار لي وللجميع ...
والمديره بالذات اللي كانت راس المشكله وقالت اني كذابه
بعد مكالمة وحدة من ابوي ...
ونقاش حاد ... صارت مثل الألف ...
وبعدها صارت لمعة الطالبه المحبوبه لها وكل شي للمعة
ولما دخلت الثانوي وجا يوم التخرج وتعملت الحفله كانت
المديره هذي من ضمن من يقام على شرفهم الحفل ...
من بين الكل سلمت علي وقالت مبروك ... وصارت تمدح
فيني ...
يعني بالله لا زم أسلوب القوة وفرد العضلات عشان تحترمونا
وتعطونا حقوقنا ...
تنبيه ...
والدي ليس من ذوي المناصب الكبير ...
ولكن له كلمة لا تنزل الأرض ...
ويستطيع استرجاع حقوق أبناءه ...
وبسلطة الحق وسلاح الخير ...
ولكنه لا يدافع عنا الا اذا تيقن أننا لسنا سببا
في المشكله ولو بنسبه قليله ...
.
.
.
لمعة الجليد ...
|