سالم السبيعي=
ياسلامي سلام العرف في حله=والمعرفة تناسبني واناسبها
يابن عواد شف درب السنع دله=والليالي تعلمنا تجاربها
صياف الحربي=
مرحبا لو يسري ليلنا كله=مع رجالٍ تبي تفتل شواربها
اكثر الناس شمسه طولت ظله=مير ماادري شوية ويش يعقبها
سالم السبيعي=
الدهر ماصفالك وانت صافِ له=والرسايل كتبها غير كاتبها
واكثر الناس مايخفاك طبعِ له=يلبس الغترة الحمرا ويقلبها
صياف الحربي=
من يبي الجم وسط البير ينزل له=مانبي نزعل العالم ونغضبها
كم جمالٍ بركت للحمل واتشيله=لين عود يحزحز في غواربها
سالم السبيعي=
لاسرى الليل جر الذيب صوتله=والمدينه نبى نعرف مراقبها
قل لهاجوس قلبك ياولد قله=والمناصيب تبقى في مناصبها
صياف الحربي=
سيف ابوزيد الابيض ويش تعمله=نوخ الفاطر ونزل مناكبها
لو تقرا الكتاب الزين واتفله=تفرح وكل خلق الله تجاربها
سالم السبيعي=
سيف ابوزيد يبقى في جفيرله=لين يلقى اليدين العوج يضربها
ابيض الوجه خالك وانت عم له=مير من فكها لازم يركبها