هيا استمع غاية المنطـوق=عمـا تكـنـه خواطـرنـا
هى الموده ماغيـر بـروق=ولا كمـا الغيـث لمطرنـا
الود لـه فالقلـوب حقـوق=من وقت سابـق لحاضرنـا
دايم عليه السحاب يسـوق=بالصدق ينعـش مشاعرنـا
عمرك سمعت الحبيب يبوق=يغـدر بروحـه ويغـدرنـا
ويطشنا فى لهيب الشـوق=يرتـاح واحنـا يكـدرنـا
الـود لنـه سمـا لافـوق=فـى حساسنـا ماخيـرنـا
ومدام ودك رفيـع الـذوق=هـذا محـيـر بصايـرنـا
تغيب شمس المساء وشروق=وحنا علـى نـار تصهرنـا
كيف اجعله فى سمانا يروق=ويبقى على خـط سايرنـا
ان كان عهد الوفا موثـوق=باقـى مـنـه مايبشـرنـا
لاهل الموده وسل وطـروق=مسجلـة فــى دفاتـرنـا
سارت هبوب الغرام صفوق=عكس الذي فـى ضمايرنـا
نبغى نعالج قلـوب خفـوق=وعلاجهـا عنـد هاجرنـا
مادام هذى المـودة تفـوق=اكثر مـن اللـى تصورنـا
خليـك لودادكـم محقـوق=تكسـب جميلـه وتذكرنـا
أعطيته المركـز المرمـوق=رغبـه ولاحـي يجبـرنـا
لكن كسبت الجفـا مطبـوق=أناصـره مـا يناصـرنـا
الطيب لزمة عهـد ووثـوق=وعقالـهـا ماتعـاسـرنـا
مافيه سابـق ولا مسبـوق=لأ أهـل الوفـا لا تفكرنـا