ياسـلام الله سـلام (ن) واجهـة معنـاه يمـك=ان سكنت ارض الجزيره وان سكنت ارض الكنانه
قوم ياحربي تهـرج بيـن اخـوك وولـد عمـك=يوم انادي صاحبي صيـاف مـن بـاب الميانـه
مرحبـا ياعـد ياهـداج ليـن يفيـض جـمـك=والبنـادم يعـرف اللفـات ويعـرف الذهـانـه
انت لاحصلت حربي تزهمـه مـن خـف دمـك=مدري اهيـه مـن هجـوس صافيـه ولالعانـه
ويـش رايـك يالسحيمـي نمدحـك ولانـذمـك=ويش رايك وش تورى وانـت سـدك بالامانـه
يالسحيمـي ودنـا نكسيـك ونكـبـر معـمـك=والغدالـك خيزرانـه والعشـا لـك خيـزرانـه
كـان ودك تنشـد العربـان قــول ولايهـمـك=من يدور للعوايـن غصـب يلقـى لـه عيانـه
وكان تبغاها مخامـش خمنـي والصبـح اخمـك=فالقلـص ثنتيـن تفاحـه والاخـرى برتكـانـه
ام هارون الرشيـد الاولـه صـارت هـي امـك=لويزعلهـا ولـدهـا دخـلـت دار الحضـانـه
خير اهل رابغ يخص وشـر اهـل رابـغ يعمـك=ماتفكـك خيـل عـوف ولاولـد خالـك عفانـه
انـت صاحبهـا القديـم تزمـهـا ولا تـزمـك=مايـغـش المسلمـيـن الاقليلـيـن الديـانـه
انت ذيـب اشهـب صغيـر والذيابـه ماتشمـك=اثر قلبك مثـل ضلـع طويـق ماعنـدك ليانـه
تحذف الشايب وهوفـي طرقتـه ماهـوب يمـك=اترك الشايـب وخلـه يالسحيمـي فـي مكانـه
ان سمعت الشـور والاقلـت لـك شلهـا بكمـك=كـل ماتكبـر تزيـد بـك الـعـداوه والعـانـه
تمهـا بينـي وبينـك بالـشـرف والله يتـمـك=احمد الناصر مـن رجـال الشـرف لولالسانـه
الطيب يعرف سـم الـداب واثـره مثـل سمـك=لوعمر يسلم منـه ينـوش واحـد مـن خوانـه