مرحبا في من حضر في حفل بني رشيد=بالطراقي كلهـا كبارهـا وصغارهـا
جيت ياصياف طرقي وعاني من بعيـد=مرحبا بك والطراقي نحـب اخبارهـا
بارك الله فيك ياراعي البيت الجديـد=من رجال(ن) بالشرف كملت مشوارها
اجتمعنا ليل جمعه وبكره يـوم عيـد=ياعساها معرفـه ماتبيـح اسرارهـا
بيتنا معمور والنـاس للخالـق عبيـد=في جنوب الارض ويمينها ويسارهـا
مانزل سوق الذهب غير تاجر له رصيد=اشترا وابتاع بالسـوق مـع تجارهـا
المجالـس عامـره بالسوالـف والقصيـد=ماتزيـن الملعبـه غيـر مـن شعارهـا
انت عندك خمس حاجات ماأدري وش تريد=مـار دور وحـده جاهـزه واختـارهـا
السوالف بين عنتر وبين ابن الوليد=طايره ركابها تنظـر لطيارهـا
مانبا إلا الطيبه وأهل الراي السديد=والله أنه يكفي الناس شر اشرارها
دق زير المعركة عند هارون الرشيد=مار قل للزمل ترتاح فوق ازوارها
البدو راحم حضر لانزول ولا شديد=مزرعه خضرا وفله طويل اجدارها
الجمال امعقله والقياد مـن الحديـد=يالسحيمي عقلها تنصح من اوبارها
العباد تريـد والله يفعـل مايريـد=أهل الطوله على العز شبت نارها
البنـادم يعبـد الله شقـي ولاّ سعـيـد=من عرف مدخال بقعا عرف مضهارها
كلمة العاقل ثقيلـه ماتنقـص ماتزيـد=وارضكم تحت المطر مايطير اغبارها
من يعبد لخالقه فاز في يوم الوعيـد=والله اللي يعلم إسلامهـا وكفارهـا
يالسحيمي خوذ من راسي العلم الاكيد=ماوقف دون المدينه ياكود انصارها