يا ليت يعرف حديث العهـد=اللـي بذلتـه لجـل ودي
حتى يثمن هـذاك الجهـد=ولا يغيظني يوم في مودي
ما دام قلت الحديـث يسـد=يا اللي صدى صوتكم عندي
هذاك جاهل شـروط الفقـد=لا يجيب مكسب ولا يـودي
آنا حسبتـه ركـز للغـد=ويكون فالمعركة جنـدي
لكن عناده تعـدى الحـد=يا ليته في يوم يستهـدي
قدام نعرف سبـب للعنـد=اللوم ما يجيه فـي ردي
لجل ايش جنب وعنك ابعد=من بعد ما اعطى لك العهدي
حنا جردنا المعاني جـرد=نبغى مثل فيـه نستقـدي
لكن رصدك طلع في رصد=وللآن نبغى الذي يجـدي
تابعت الأمثال بنـد ببنـد=ولا تبيّـن سبـب يقـدي
في المحكمة ما يقام الحد=إلا على شهـود وتعـدي
جاحد وياخذ وفا ما يـرد=وفيـه نكـران متعـدي
أبعد وجافا الوداد وصـد=كنّه معمـد علـى بعـدي
الحكم وقع عليـه أحمـد=وناصر اللي على حـدي
واظن منهم لا جاك الـرد=ما بعدهم حكم تستجـدي
وما دام عيا يجـي فاليـد=وعيا على وردكم يـردي
عني اتركه لا عنه تنشـد=هذا الذي اخترت في نقدي
اسمع وليف الغـرام ينـوح=حزيـن يبكـي عـلـى وده
من يوم قفى حتيـن الـروح=لـلآن دمعـه علـى خـده
يـا آه مـن آه لمـا يبـوح=عاشق يقاسي أسـى بعـده
ما يلام نايح هوى مجـروح=خارج هوى الود عـن يـده
كل مابروق الآمـال تلـوح=وقلت البخت عانقـه سعـده
تصبح وتمسي عليه شحوح=ويبقى علـى دائـرة وجـده
لاصار باب الأمـل مفتـوح=ويأسك منه مانتهـى حـده
لابد تسعـى بكـل طمـوح=ومن لاجتهد مابلـغ قصـده
في السعي ماني قصير سبوح=بذلت فـي الجهـد ماسـده
وفالتاليه ماجنيـت ربـوح=أسباب تسعى علـى ضـده
بعد التشاور بكـل وضـوح=نسدي لـك الحكـم ونعـده
من مجمل السابق المشروح=اللـي ورد فالمـثـل ورده
كم شيدوا بالغـرام صـروح=بأسلوب خالي مـن الشـدّه
ترى الزوابع تجي وتـروح=وصرحا على ساس ماتهـده