السلام عليكم ورحمة الله وبركاته
موضوع شاهدته و سمعته هذا اليوم ؟!
( يعني يوم كتبته و ليس اليوم ؟! )

ناس من زود المحبة و التقدير شوي و إلا يمسكون رقاب بعض ؟!
يادافع البلاء !
::::::::::
المهم تراني أخذت هذه السيارة تقسيط بس علشان يكتمل الموضوع بالصوره الحلووووه للسيارة !
اللي فيها ماشاء الله مقاعد كثيره و لن يكون فيها تزاحم أو مضايق ؟!

قلنا يالله نشوف كيف نحل هذه المشاكل ؟!
هالحين اللي أشوفه إن كبار المدراء و كبار الشخصيات دائم يركبون في المقاعد الخلفية وأغلب المشاهير و الناس اللي مدلعه حالها لو أستأجرت
تاكسي تركب في الخلف ؟!
هذا لو ماعندها سياره مزركشه و سواق أخر كشخه و ريح البخور مغير فايح مع الروائح الزكية الأخرى و يمكن البعض كذلك موصي السائق و
مبرمجه إنه كل شوي يبخ ؟!

على أي حال ندخل في الموضوع ؟!
::::::::::::::::
لنفترض إنك رايح مشوار و معك أمك و زوجتك و أبنك أبو 15 سنه من ستركب في المقعد الأمامي ؟
أنا شخصيا سأركب في المقعد الأمامي ..................... و الباقين إن
شاء الله حتى لو في الشنطه كله واحد عندي ......... هاااااااااااااه بس
أنتبه يمكن تزعل ............ أو يمكن تزعل .............. أو يمكن
تزعل .......... ؟!
كيف ستصرف و كيف ستحل الأمر ؟!
هل اللي في المقعد الأمامي له من التقدير أكثر من اللي في المقعد الخلفي ؟!
هل اللي في المقعد الخلفي سيصل متأخرا و بعد وصول اللي في المقعد الأمامي ؟
هل أنت شخصيا تحب المقعد الأمامي أم الخلفي لو كنت مع مجموعة و بهم من هو أكبر أو أصغر منك عمرا ؟!
هل نحن شعب نحب المقاعد الأمامية حتى لو كان الواحد منتف وراكب مع
مجموعة أسيويين لازم يرتز قدام بالغتره و العقال ؟
هل ستفعل مثلما شاهدته هذا اليوم عند السوبر ماركت ناس مسوين قضية في المواقف و هذا يحلف و هذا يهدد و هذا يأشر للتاكسي و هذا
( اللي هو أنا و شله معي ) قاعدين نناظر و نقول أهل العقول براحه ؟!
وشوي و إلا نتصل على مكافحة الشغب لتأتي تشوف شغلها مع هيك أوادم ؟!
هل .... وهل ..... وهل ..... ؟!
مشاركتكم مطلوبه علشان أمشيكم بالسيارة الجديدة و أحطكم كلكم فوق التنده ؟!

تحياتي و مودتي