|
|
ترحيب واقول وافينا=والطيب راعيه يابحار
مانقل قدرك معلينا=ونعدكم من رجال أخيار
ونقول ونعم كريمينا=تاريخكم ماعليه اغبار
لاشك فيكم ولافينا=والكل عندي صديق وبار
ماقلت زليت ذاالحينا=مارحت في زحمة الأفكار
نبقى على الطيب ماشينا=مانطبها سكة الأخطار
وحنا لكم ماتمنينا=إن البنا للأسف ينهار
وان كنتوا الآن مصغينا=هيا اسمعو للكلام السار
الكل بالخير ساعينا=بنعالج الوضع واللي صار
قدام تكبر ماآسينا=ونوصل الخط والتيار
بمجلاس حق وموامينا= مع المعاديل فالمحضار
والحق بيسد الاثنينا=والحكم متروك للخبار
حتى تعود مساقينا=تصفى من الطين والأكدار
|