مناسبات الفرح لاجات = نحضر لها رافعين الروس
سلام يامن لكم قيمات = من عهد ذيك الحياة غروس
صدري انشرح بحضرة الامات = وروق الفكر والهاجوس
يامرحبا برجال ثقات = اهل الوفا مدهم ناموس
هيا استمع لأحدث النشرات = بعد البقا والوفا الملموس
بخلاف ماتجري العادات = حسوس جدت وراها حسوس
يابادع القيل اخذ وهات = بعد الملاقا وطيب نفوس
وش الذي مخلف النظرات = فيها الحسس والهدف مرموس
تواردت جسمي الازمات = حتى أنبرا مثل بري القوس
والقلب صابه خلل بالذات = وهوه بين العضا محروس
لاتشتكي من ماضي الصفحات =اللي عليه القلوب يبوس
ولاتسلم القلب للغارات = ويسير في ازمته محبوس
ماأشكي من الماضي اللي فات = اشكي من الحاضر المنحوس
امشي وانا معظم الاوقات = في قلبي محاضرة ودروس
كم لك في معالج الحالات = ومن التجارب لكم قاموس
اصرف من الطب فالوصفات= عساك تقضي على الفيروس