أخيل الخيـال اللـي بروقـه قفتهـا رعـود = تهوز الجبال اللي طوالن مراقيها
تزبـر وتـردم ميـر هبـت عليهـا النـود=هبوبـن تمزعهـا مـن أقصـى مناشيـهـا
خذينـا ليالـي ننتظرهـا عساهـا تـعـود=تنـوش الديـار اللـي سكـنـا علاويـهـا
أبرخي عنانـن لـه ليالـي وهـو مشـدود=حصانـن سرجتـه دون ربعـي لا عاديهـا
مادام إنفتح بـاب القصيـد أبـذل المجهـود=وكلـن ذلولـه حسـب عـرفـه يمشيـهـا
عطاش الهجوس اللـي لهـداج جـن ورود=جذبت الرشى لعيونها وجيـت أبـي أرويهـا
أبي أجيب لي علمن من المصـدر الموكـود=وحاضر جميـع الخلـق يربـط بماضيهـا
علشان نكحل عيـن عـذرن طخيـم خـدود=تهـز المنـاكـب بالمحـافـل وترخيـهـا
وكلن تواريخـه لهـا مـع الرجـال وجـود=علومـن عليهـا النـود تـذري ذواريـهـا
ليا وردت العوجا من أهـل القلـوب السـود=ضعـوفن علـى اللابـه إكثـارن مغازيهـا
أبا أصد عنها دام لي عن عوجهـا صـدود=غفال العرب ماني علـى المـرح أضويهـا
ومثـل مايقولـه قبلنـا لافـي بـن حمـود=مابيـن الثـرى ونعـول رجلـي بااخليهـا
لاصـار ما للحجـه اثبـات وايضـا شـهـود=لـو أوحيتهـا قفيـت واقـول مااوحيـهـا
ولو هي بوسم اللـي نشـك أنـه المقصـود=علي اليميـن إنـي لا اعيـد النظـر فيهـا
أنا دون ربعي سيف مـن مجنـده مجـرود=لياناش خصمه ضربته مايثنيها
نصابه بيمنى كل حربي عريب جدود =على الحـق يبطـش بـه ويدقـم قواسيهـا
ولو ان الدول ماصـار مـن بينهـن حـدود=ماشفنـا الجيـوش مرابطـه دون أراضيهـا
ولا يالعريف اللي على أمرك تصـف جنـود=تجمـع علـى أمـرك والتحـيـه تبديـهـا
ترى ماانت في فعلك ورايـك تحـل عقـود=علـى هونـك الوقفـات ماانتـه براعيـهـا
ترى المملكـه حكامهـا ملوكنـا ال السعـود=حـرارن تهـز العالـم أجمـع بطاريـهـا
ولا فيه حكمن غيـر حكـم السعـود يسـود=ولاعـاد بـه فريـس ترهب عزاويـهـا
بنوا للضعيف حصون صاروا حجا المضهود=وحـل الرخـى بالـدار والامـن كاسيـهـا
وحطـوا لذرعانـن يبـى يفعـلـن قـيـود=وسرحـان فـلا مـع الغنـم فـي مفاليهـا
يحكمـون دارن شعبهـا بخيرهـا محسـود=علـى شـرع ربـي ثابتاتـن رواسيـهـا
تمثنيت لك ضلعـن طويلـن عسيـر حيـود=تهـوز الجبـال ولاانـت يارجـل راقيهـا
معك بندقن عوجا نشـب وسطهـا العبـرود=ولانسمـع إلا صوتـهـا يــوم ترميـهـا
قربت اللهب بحزامـك اللـي بهـا البـارود=وعسـاك تذكرهـا ليـا صـرت ناسيـهـا
ودام العبـاد رقـود خـل العبـاد رقــود=قبـل عينـك بيمنـاك يـافـلان نعميـهـا
وناسم علـى كبـدك وسيمـة عيـال العـود=مطـارق ربوعـي فـوق كبـدك لاوطيهـا
صحيح الردي دايم له الهزل كسب وفـود=ونفسـه علـى فعـل الـرديـه مضريـهـا