في أحد المنتديات الذي تركه رواده، كان أحد المواضيع تحت عنوان:
"جدار الشعراء الأبيض"
حيث يكتب كل شاعر ما يروق له،
و قد كتبت هذه الأبيات أحظهم على العودة لمنتداهم:
أنا مهيب عاداتي أملِّي صفحة الجدران= و اعد اهل الكتابة فوقها حمقا و مجنونه
ولكنّي لقيت الدار خالية(ن) من العربان= و زغرني ابليس و ادنيت القلم، و النفس مغبونه
أشوف المنتدى كله خلا إلا من الغربان= تنبش حوله وساعة غضبها تقلع عيونه
إدارة نايمة، و المشرفين مضيعه العنوان= و لابه من يروده غير ناس(ن) ما يحبونه
يغنون بشماته و التشفي رددوه الحان= مدام اهله مخلينه يموت و لا يرودونه
ورا يالربع ما تصحون و تعودوا مثل ما كان= و تروفوا بالبهيم اللي سببكم كثرت طعونه
فشيله نتركه لا حي، لا ميِّت، تقل عطشان= ينازع قدمنا، محد(ن) عليه يمد ماعونه
|