تقول تحبني ؟والفكر حاير=وانا قلبي من الافراح طاير
احبك! كيف ما حبك واسمك=عناوين السعاده والبشاير
انا قبلك اسير احزان قلبي=ومن جيتي غدا حالي مغاير
تغير سستمي والفضل لله=ووجهي من هجره الحزن ناير
جمعتيني بعطفك من شتاتي=بعد ما كنت مدري اشلون صاير
عطاك الله من الاوصاف ما لا=عطا غيرك وبات الكل غاير
حسيبة جد أملودة ملامح=ذكائك فذ فيك الحسن جاير
يناسبك الغرور ولا يناسب=بني جنسك من الغيد الحراير
واذا قالوا يجامل في قصيدة=تناسي هرج عميان البصاير
مصيبه كان رغم اللي ذكرته=يكون الفكر حتى الآن حاير