يا كاتبن جبت القلم عبر على الطرس تعبير = وكتب سلامي للزميل اللي علو مه طيبات
سلام يا الغيداني الي تنقل السيف الشطير= سلام (ن ) احلا من حليب الي بنجد مربعات
طماعهن لو شافهن بلعين ما يقدر يغير = من دونهن عزوة بني سالم ويا نعم العزات
وبعد السلام اسمع كلامن من هواجيس الضمير = قذائف(ن) نبي نوجهن على نهر الفرات
من شان ما يلحق خطرهن لاكبير ولاصغير = نهر الفرات يضمهن لاونهن متفجرات
يا بن صنيدح ما احسن من الشور من راس الكبير = يا الشاعر اللي تفهم المعنى على سبع اللغات
حلمت ليه حلم وبا نشد عن الحلم الخطير= والحلم يابن حمود تفسيره على عدة جهات
وانا بشاور ونت يابن حمود يا نعم الشوير = أبا انشدك وانت انشد الشعار وكبار الروات
لاتنشد اللي ما يعرف الحمط من حب الشعير =ولاتنشد اللي مهنته حب المنازع والشمات
هذا وانا بخبرك بلي شفت بثلث الاخير = الشوفه اللي عقبها عيت عيوني لاتبات
اشوف لي حيه على سطح البسيطه تستدير = ونيبانها يا صاحبي تاكل من اجبال السرات
وطويق ثابت في محله ما اشوفه مستذير = وليا خزرته بلعيون يقول يا زين السكات
والضاهر انه ياطويل العمر قد جاه النذير = واكبر دليل ان الجبل ماعاد نسمع به صوات
وسهيل بادي والجمل ما عاد يسمع له هدير = يضرس بنيبانه ومن فوقه حمول مصلبات
هذا ما غير الحلم يا لافي ولاقر القرير = والله يعلم ويش يحصل بسنين المقبلات
ماني موصي وانت يا بن حمود رجالٍ خبير = وان جاك طرقي ما تعرضه السباع الجايعات
ترى المعاني للحكيم يقودها سلك الحرير =وشلون اوصي وانت يابن حمود ما تبغى وصاة
ون كان عندك شك خل السيف يبقا بالجفير = يا صا حبي سو التفاهم من كبار المعضلات
اقرا القصيده كلها وستثمر العمر القصير= ونصح عباد الله وكثر بالصيام وبالصلاة
هذا مرد الشاعر لافي الغيداني =
يا كاتبن عبرت واعتبرت تعبيرك عبير = يا مرحبابك والبيوت معبرات وعابرات
يا مرحبا ترحيب واجب ماهو بترحيب غير= والله لايجعلنا من اللي يتركون الواجبات
يا مرحبا حييت لو اصابع التهمه تشير =لظهور وبطون اربع من الكاسيات العاريات
الناس خلوها تدر وضيروها فوق ضير= حرم حلال وحللت يا بن الحلال محرمات
يقوله اللي يا خذ ويعطي ويقنع باليسير= ودايم يحسب حساب عا قبة الامور ود هات
يعف ويغض البصر والفضل للعقل البصير =والطيب يثمر بالرجال اهل العقول المبصرات
وللي مفتح زين ما يمشي مثل مشي الضرير = ولاهيضه صوت المصيح بلبروج العاليات
يا طير ياللي تنفض الجنحان وقع لاتطير = ما لك صلاح تطير ما بين الطيور الحا يمات
خلك على وكر الكرامه لاغني ولا فقير = مستور حا ل ولاتفكر في وصول المعجزات
الشمس في كبد السما ماهي تحت خف البعير = في نورها الوهاج مقبرة الليال المظلمات
الحلم يا بن عبيد تفسير مضمونه مثير = لكن يبي تفكير والافكار ماهن فاضيات
اصبر مع الايام و تجيك البشاره والبشير = الناس مشغولين بحداث الليال الجاريات
لحظه معي على قناة البي بي سي توني بلير = يقول طالبان ها ظمتن حقوق الطا لبات
وعلى قناة السي ان ان أشوف لي جمعً غفير = جنود كوما ندوز امريكيه وسفن وطا يرات
وعلى الجزيره طلعو تسير علوني بخير = بعد اضربو كا بول والمكتب وبعض الشا يعات
وعلى قناة المملكه يقول سمو الامير = ولي عهد المملكه ما عاد فيه مجاملات
مدام شعب القدس مجهول المستقبل والمصير = مابه سلام مع اليهود ولامجال مفا وضات
تعبير عن راى الملك والشعب للوضع الحقير = اللي يمارس في فلسطين بمدن ومخيمات
يا علي هذا ما هو بوقته جزاك الله خير = تحلم وتنشد عن تفاسير الحلوم المزعجات
سليت سيف الشعر يا الحصني يصير اللي يصير= لكن ابا ذكرك واطلب لك من الله الثبات
صوم الشهر وانفق من المال اصدقه تراه اخير = اخير من ما يجمعون الباقيات الصالحات