المشاركة الأصلية كتبت بواسطة ال حريمل

عسى المزون اللي بها البرق وضاح=دلما بها البراق ينشاف ضوحه
في قدرتك يامجري عواصيف الارياح=يامرجع ليوسف عقب مامات روحه
بامرك تسوق المخيله للاسياح=ترعد وبارقها توصل بلوحه
ينقر لها الشرقي هبوبٍ بالانصاح=ويحدها الغربي في هبوبٍ تلوحه
واليا استهلت مثل ضرب الارماح=تاخذ ثمان ايام مابه دموحه
يالين منها يرتوي كل فلاح=واهل المواشي من مطرها فروحه
واهل الدير جوها لك الله سواح=وتصير لاهل القنص جيه وروحه
ياهيه سقناها باالمثايل والامزاح=وعن الخطا منكم ريد السموحه
واسلم وسامح ياعميلي بما راح=وغاية مراد القلب تفهم وضوحه
وصــلوا عــدد بـــارقٍ لاح =على رسول الهدى والسموحه