المشاركة الأصلية كتبت بواسطة الصييفي

أنا بحبك يا الشريفا مستصيب= إلى تركتك صار في صدري غلقة
يا ديرتي ما اصخيك و الله للغريب=اللي يحطّك في حبال المشنقة
حتيش لو هو لي صديق(ن) أو نسيب= من روس برقا أو من شيوخ روقة
الجو مابه ما و لا عندي قليب= مطق، و الغطّاس به راح مرقة
إلى نثرت الما يجي كنِّه حليب= من كثر ما به من ملوحة مهرقة
سقوى على عيني الى شفت الشعيب= يظك مابين الرعن و المحرقة
ليته يسيل من الوسم لو هو جذيب= و ما جا بدربه من تعدي يغرقه
أنا طريح فراش من صدّ الحبيب= الجادل اللِّي من يشوفه يعشقه
حبه بقلبي ما يداويه الطبيب= سبحان من سوّى صفاته و خلقه
حطيت يالغالي على قلبي صليب= و اصبحت مابين الحجر و المطرقة
و اصبحت كنِّي في البلد شخص(ن) غريب= الى ذكر وقت(ن) مضى صبّ عرقه
تمت و لا باقي بها غير السريب= و هذاك لا تامنه من كثر علقه