الغراب أليا تعلى صار صوته عالـي = يزعجك بالصوت لامنك سمعته ينعق
حسبي الله لايفيد ولا يجيـب ريالـي = ودك انه في علوه قبل ينعق يشـرق
لايصيد ولايعرف الصيـد والمنزالـي = عيشته من كل ميته من لحمها يسرق
الله اللي وزع الحكمه ونعـم الوالـي = ماخبرنها تجي مع كل مـن يتشـدق
هذا قولي وخذ قياس القول ع الرجالي = كم عرفنا من رجال فا الجموع تفرق
ماتخاف الله ولا تسمع نـدا العقالـي = فالنميمة والوشاية ألسنتهـم تنطـق
لايعرفون الحقوق ويرخصون الغالـي = يحسبون الناس تسمع حكيهم وتصدق
لوعطينا او خذينـا منهـم الاقوالـي = نشهد الله والعباد ع الحديث المرفـق
يحسدون الناس فا اول علمهم والتالي = جعل كل اللي فعوله مثل وصفي يغرق
في بحور(ن) مالها مقياس بالاميالي = واخر الدنيا جهنم في لهبهـا يحـرق