يزيل النعم كثر المعاصي وقل الدين
وتدوم النعم بالحمد والشكر وستغفار
لك الحمد وايام الفتى بين زين وشين
ولابه بشر يضمن لك الرزق والاعمار
ترا العفو فيها والتسامع وخلقٍ زين
مثل شجرهٍ بغصونها طيب الاثمار
عسى سمعتي فيها وذكري مع الوافين
كما ريحة الكنبود من فوق جمرة نار
يقيني لو احط البشر بين خشم وعين
يجي من يحاول دق في عيني المسمار
رضا الناس كايد والجمايل ببو وجهين
مثل من زرع حبه بعد موسم الامطار
انا البارحه واليوم مابين جيم وسين
اعيد الشريط بحالة ذهول واستنفار
وصحح خطاي العام واللي قبل يومين
لو ان الخطا مابه عليه ملام وعار
لكن الشريف حسين يبقى الشريف حسين
يكفيه عند اللي تصوبه كفو وخيار
يكافح تمدد بالمدينه جنود الصين
يصر التباين مير تبقى الكبار كبار