أخذت لي بين الصلاتين فنجال
بقصى النفود اللي على خط حايل
في جنب طعسٍ يوم ضل العصر مال
عليه من الشمس الجميلة دلايل
أنا وخوي اللي يافي ليا قال
ابن مطر راع الكرم والجمايل
فالح عن الطولات والحق مامال
شبره على شبور الرياجيل طايل
عزالله انه بالمراوين رجال
من روس حرب مطوعة كل عايل
يما وطينا مرتعٍ تو ماسال
غضٍ نباته قبل يومين سايل
هذي طرات العمر والحق ينقال
ماهي علوم مقابلين الحلايل
نافع مطر