السلام عليكم ورحمة الله وبركاته
تحياتي وتقديري للجميع
عــقـب مـــازل الـعـصر
قــبـل مـيـعـاد الـغـيـاب
هــــل ديــمــك يـالـمـطر
مــن مـرازيـم الـسحاب
لاعــــجـــاج ولاكـــــــدر
غـيـمـة مـعـهـا ضـبـاب
والـنـسـيم الــلـي عـبـر
بــيـن وديــان وهـضـاب
حــامــلٍ ريـــح الــزهـر
طــيـبٍ والــريـح طـــاب
عــشـبٍ ولــونـه خـضـر
بـــاديٍ فـــوق الــتـراب
شـــيء يــسـر الـنـظـر
لاخـــيـــال ولاســـــراب
يـنـسي اهـمـوم الـدهر
والــمـتـاعـب والـــعــذاب
راكــــب الــلـي لـسـفـر
ولـلـمـهـمات الـصـعـاب
جــيـبٍ ابـيـض مـعـتبر
لـنـطلق مـثـل الـشـهاب
شــيـخ قـــومٍ لاحــضـر
كــــلٍ لــشـوفـه يــهــاب
كــــن صــوتــه لاهـــدر
ذيـــبٍ يــجـاوب ذيـــاب
درةٍ وســــــط الــبــحــر
دونـهـا اتــروح الـرقـاب
صـانـعـه احـمـر عـطـر
مـتـقن لـصـنعه وصـاب
لا ثــــنـــاه ولــنــعـسـر
عـنده اسهل من شراب
مــا بــه عـيـوب وضـرر
وانـشد وتـلقى الـجواب
نـعـرف نـفـوس الـبـشر
وكـل شخصٍ له خطاب
والـلـي لـه حـروة شـهر
يـنـبـح انــبـاح الـكـلاب
مـاحـسـبـنا لـــه خــبـر
بــومـةٍ وســط الـخـراب
كـــاوويــنــه بــالــجـمـر
خــاســرٍ والله وخــــاب
والــلـي لـلـحـفرة حـفـر
مـــاتــوقــع لــلــعــقـاب
طـــاح فـيـهـا وانـكـسر
وانكشف ستر الحجاب
هــــذي الــدنـيـا عــبــر
لــلــكــبـار ولـــشــبــاب
فــاز فـيـها مــن صـبـر
مــاتــلــفـت لــلــعــتـاب
ومن مشى درب الخطر
واطــــيٍ عــقــرب وداب
دربــــه صـعـيـبٍ وعـــر
مـامـعه حـتـى الـزهاب
راضـــيــيــنٍ بــالــقــدر
حـاسـبـيـينٍ لـلـحـسـاب
نــعــلـم ان الله لامـــــر
امـــره مــطـاعٍ مـجـاب
عــــائـــض الــحــربــي