اجلس بدون افراش وقلط على الصور
ياللي حضرت بدون داعي طراسه
خلك ورى حذيانهم قدر مقدور
يكفيك من زاد المهونه لحاسه
ماانته على بعض السواليف مجبور
مير الخسيس ايجيد فن الخساسه
زرعة صبخا مابها تنبت ابذور
لو قلت راجي خير بعد الغراسه
اخذة دور الثور ياحضرة الثور
للحرث معصوبه عيونه وراسه
العام حطيتك على راس عنقور
ابغاك خصم ٍ فيك عنف وشراسه
اثريك يادقيس الهوا شعر وشعور
مساح جوخ وللمواشي حراسه
ودك تسوي لك علاقه وجمهور
والناس ماتحب الخنوع الهلاسه
تبغاله قرم ٍمفوه وممرور
بعيون من عاداه شوكة هراسه
له بالامور الكايده يرجع الشور
مامهنته بين الخلايق ابلاسه
يحتاج لعيونك مصحه وناظور
وابرة جرب عن قل عرف وكياسه
عسى ماتاطا بعدها كل محضور
ويزيد بالراس الكبير التماسه