ياحسين ماباقي من العمر باقي
عادن بنا تال اليالي مناكيف
اليوم دوب يشيلني عظم ساقي
وانته جرالك من زمانك تكاسيف
دنيا الشقا فيها سوات الطراقي
ياحسين منها ضايق البال ومعيف
ياشيب عيني من نهار التلاقي
يوم ٍ به قلوب الخلايق مواجيف
ياعل ماني يومها عبد شاقي
رحمتك ياجامع قلوب المواليف
وعن الردى واهل الردى والنفاقي
اللي تحرف بالسواليف تحريف
ناس ٍ ماغير بكل مجلس تقاقي
من طبعهم على الصحن تسبق الضيف
من دونهم عسى يحول العراقي
في قربهم شقر العصا يالعواريف
عجاب صالح الحنتمي