بالناس ياعارف رجال ودنافيس
ماكل واحد تلتقي به تحبه
وانا ليا شفت الوجيه المعابيس
قطعت عنهم كم وادي وغبه
ماني وانا عجاب هيس ٍ ولد هيس
يقلط ومايلقى قبول ومحبه
انا حفيد اهل الكرم والنواميس
علاج من عاقه زمانه وطبه
يفرح بنا طرقي بوقت الغطاليس
لاشاف سود بيوتنا تقل تبه
يادار وين محرقين المحاميس
مباقي الا دارهم مشلهبه
لو ماعرفت رسومهم بالتضاريس
حلفت ماحي ٍ من الناس طبه
عجاب صالح الحنتمي