راعي ذهب سوق الحطب لاتمره
ماحد يقول بكم ينازل السوق
عكس المثل لو جاك حذف ومضره
عطه قفى خل الهدف والنظر فوق
عقلك مسافيه البشر لاتفره
لاتصير لرديان وشباهها بوق
اليوم من كافاك خيره وشره
عده جميل وجازه الطاق مطبوق
دربك قفر مانته على راس جره
اخير من قولت على الدرب مسبوق
وان بان لك حتى من الخصم غره
خلك على مابان ضبه وصندوق
يجيك من جمر المشاكل يكره
ويجيك في ثوب الشرف راعي البوق
لاشفت ثوبه بالمجالس يجره
لقه خلا ورقب على راس شاهوق