ابتدي باسم الله اللي يدبر مايريد
من بدا باسمه توكل عليه ولا يضام

عن ضيوف الشيخ حمدان بن عبد الحميد
بالاصاله والنيابه لكم منا سلام

والتحيه واجبه للقريب وللبعيد
والضيوف تقولها للمعازيب الكرام

في حضور الشيخ عابد راع الرأي السديد
زاد في تشريفنا زود حشمه واحترام

شيخ له ذكره ومنصى عسى عمره مديد
يعرفه قاصي وداني من اسمه له وسام

لو ابمدح ماتسع مدحي ابيات القصيد
وان تركت المدح لاهله على مثلي حرام

بارك الله في ابو ناصر في هاليل السعيد
ليل فيه النور غطى دياجير الظلام

جمع الاصحاب ماهو على مثله جديد
جوه من غرب وقبله ومن شرق وشام

بالمحبه والوفاء كن هذا اليوم عيد
والله انه عيد يالله تعيده كل عام

كل واحد واله مطلب وهذا شي اكيد
مطلبه تشريفكم له ومافيها كلام

عززوا هذا التواصل وحنا به نشيد
لاجل تزداد المحبه وهي قصد ومرام

اجعلوها بالسرى وابتدوها بالعويد
والشباب يصف بعد العواده فالنظام

والشيوخ الهم قدر عنه والله مانحيد
كل واحد له معزه وله قدر ومقام

يفصلون العلم في القول والزايد يزيد
فصلوا واللبس ملبوس في مسك الختام

وعد ماصلى المصلين في بر ومسيد
للرسول المصطفى ازكى الصلاة والسلام

حميد اللقماني
{الشاكر ابو سامي }