| (توك عرفت الجرح)
هذه أولى قصائدي التى أنزلها في هذا المنتدى العزيز0
يامرحبا بالمختفي عني ازمـــــــان = توك عرفت الجرح وشلون قاسي
بالأمس دمعي تشتكي منه الاوجـان = ومديت كفي ياعرب من يواســي
واقفيت عني بين جرح ٍ وهجــــران = ورديت لي من بعد حصلت ناسـي
محجوز قلبي وارتكز فيه إنســــان = مصدر خبر موثوق دون التباسـي
أنا احتفظ لك بالأخوه كإنســــــان = حيث الأخوه دوم طبعي وساسي
ساري قرار الحب لو قلت بهتـــــان = غلطان لو فكرت بتهز ساســــي
أنا هقيت السر من دون عنـــــــوان = قصة عشير وقلب مخلوق قاسي
مادام خلك صار للشر ميـــــــــدان = اقطع حبل يربطك باهل المآســي
واحذر سراب الحب مع كل خــوان = يقطف ثمار الشوق ويفر ناســــي
دور على ميلاف للحب صــــــــوان = تقضي حياة العمرفي جو ماسي
تحياتي
ســــــــــــــمو الشوق |