اهداء لاعز الاصدقاء
ترا الهجر ماينفع مع الطيب العاقل
وباب التسامح مانقفل بين الاجوادي
وانا اعرفك عاقل مايجي دمكم ثاقل
وشي حصل بين اب وابنه ترا عادي
ولا تكبر الموضوع ويشيع به ناقل
ويفرح به اللي للمحبين حسادي
وانا مثل اخوك وقدركم عندنا ماقل
ولا ودي أصبح مع هل الجود متحادي
وترا ولد عمك طيب وخاطره صاقل
ولو جاك عايق ماهنا طرفه ارقادي
كلام عليه ايمين ماقاله الشاقل
ولاني عن الدرب السوي والعدل غادي
(ابو سامي)