ياريم شكلك غريب ومايشابه كل شكلي = حتى حﻻياك ماشفنا مع العالم حﻻياك

فيك الحﻻ والجمال اليوسفي كامن ومكلي = منصب من خنصر اقدامك اليا عالي محياك

اليا نظرتك تسد اسبوع في شربي وفكلي = وان غبت عن ناظري تهامل عيوني لفرقاك

انا زماني بعد لقياك في حبك حبكلي = وانت زمانك حبكلك في حبالي بعد لقياك

الله ياهالزمان اللي شبك بك واشتبكلي = شبك السجين البري اللي ورى 20 شباك

ان غبت عن ناظره واكلمه قام وضحكلي = وان جيت قدمه تقال انه فلك من بين الافﻻك

واحيان فيه الحنان اما قطع واﻻ مسكلي = غريب اﻻطباع عييت افهمه في ذا وهذاك

واحيان ينصب حباله والمصايد والشركلي = وانا كما الطير ﻻ شفت الشرك قطعت اﻻسﻻك

واحيان شيطان متمرد واقول انه ملكلي =واحيان مثل العسل لكن حوله نار واشواك

يامن يفسر علومه فالظﻻم اللي حلكلي = واللي تعانيه روحي من هجوس تربك ارباك

الشاكر