عوض الله


صياف جايب له فرس يبغاني اعطيه البعــير
وسليم ما تاخذ حمير الناس ســـــد جمالها


هاذي رواحلكم منول مدةالوقت العســـــــيـر
الحومها ما تنوكـل وديوســـــهـا لعيــــالهـا


صياف


الخيل تبغى رجل فارس وانت راسك مستدير
وان كان ما تعرف ركوب الخيل انا خيالهـا


هاذي رحايلنا تسد النوب فالوقت القصــــيـر
وانته ما تعرفها ولا تقـدر تشـــــــد رحالهـا


عوض الله


استاق عيرك لا يضلي عندنـا ينفـــــــــر نفيـر
يزعج بوابير البحور اللـي تشيـل اثقالهـا


اثر الحمير اشكال شي منها كبير وشي صغير
وهاذي فصيلة قبل لا جتنـا ولا جينـا لهـا


صياف


سليم اثرهم ما يعرفون الخيول من الحمــــــير
ما يعرفون الا الجمال بقيـــــدهـا وعقالهـا


بكره عباد الله يسمونك عمى وانته بصـــــــير
واللي ما تدري عن ركوب الخيل وعزالها


عوض الله


هاذي عطايا الله كبارالروس فالصحراء تسير
اليا بغينا نقطـع الفرجـــــه نمـس حبالهـا


منها البكار اللي لبنها يجبر العظـــــم الكسيـر
ما هي رحايل مانعرف الوانهـا واشكالهـا


صياف


تعلم الشايب والا انتــــــه يا عوض الله غريـر
الناس حطت في خيول الحرب روس اموالها


هاذي ليا صاح المصيح فاول الفزعـــــة تغيـر
ما هي سوات بعيرك اللي حالتــــه يرثى لهـا