سلام يالربعان يامنبع الجود
الجود فيكم من قديمن وتالي
غير الشبب والكيف نفحه من العود
بيدين حلوين النبا والقبالي
وتركي ولد راضي سند كل مضهود
كريم ومعرب عمام وخوالي
طيبه مع اهل الطيب بين ومشهود
ياعل ماتفاجيه سود اليالي
وضيف الله ابن حسين زودن على زود
والنعم ماذعذع هبوب الشمالي
بالرابيه له مجلس ٍ كنه الطود
فاتح وفرشه من جديد الزوالي
وبيض الدلال اللي غدن كنهن سود
من كثر مايركن على كل صالي
وسمن وسمين وهرج في عقل وحدود
ماهو من اللي كل ساعه يلالي
يفدونه اللي مالهم فعل ووجود
الهرج واجد والفعايل هزالي
عجاب صالح الحنتمي