لي مطلبن ياعل ربي يهييه
لو كنت ميس ماعلى الله صعيبي
يامدني اللي بالسماوات تدنيه
بعد البطا والبعد يصبح قريبي
للخلق مهما ايصير ماني بشاكيه
شاكيه للي فوق خلقه رقيبي
علام ماتكن الخلايق وتبديه
من رحمته ياعل ليه نصيبي
لناس ماني ياهل العرف مطريه
من عادتي مطلع على الناس غيبي
زمنك يالانسان ماكثر بلاويه
مره معك تخطي ومره تصيبي
الوقت لالقاك مقرن علابيه
تشيب لو ماحان وقت المشيبي
ومن اقبلت دنياه تلقى حواليه
الناس لو انه محدر شعيبي
عجاب صالح الحنتمي