طال النهار وقلت وين انت يالليل
عسى سواهيج الكري تشرح البال
اثري ظلام الليل هم وبهاذيل
على عيوني يوم مريت الاطلال
بالحلم سجيت القدم بالمداهيل
باول شبابي يوم لزمل جمال
وبطرافها شبيت ضو المعاميل
وسويت لي من طيب البن فنجال
ولي اشتكت قل المطر والمواصيل
وبعض الشبوك اللي من الجال للجال
قلت الوصل مفقود جمله وتفصيل
باللاف مانطلع ثلاثين رجال
اما الشبوك اللي سوات المحابيل
مالي بها حيله وانا رجل رحال
وصحيت من حلمي ودمعي هماليل
بعض الحلوم تقول من واقع الحال
عجاب صالح الحنتمي