يامكيف الفريون عندي هوا نجد
اخير وابرك من هواك الصناعي
عليك وقتي حدني بالزمن حد
خلاني امشي طوع ماني مطاعي
مابيني وبينك عداوه ولا ود
الود لدار البعيد الرفاعي
عن زحمة الشارع وشوف المقرد
وكثر الكلام اللي يجيب الصداعي
على فراشي عتمت الليل ممتد
والعين لنجوم المجره تراعي
وعلي يذكر يوم نارد على العد
وهاك الديار الطيبه والمراعي
يوم القلوب انظاف ماتعرف الحسد
واليوم ياستار مثل الافاعي
عجاب صالح الحنتمي