عندي نصيحه والنصيحه من الدين
ياهل العقول الراجحه والرزينه
تشرا من اول بالذهب والبعارين
يوم النفوس بعهد الاسلاف زينه
يالعبد كبر لاسمعت المواذين
وصل الصلاه بوقتها في سكينه
مع الجماعه صلها ياحمر العين
لاتصير لشيطان دايم رهينه
وخلك رضي بالوالدين الحشيمين
ياويل من ينكر فضل والدينه
وخلك على الاقراب ورد ورياحين
من يقطع الارحام ذاق الغبينه
والجار لو يسقيك سم الثعابين
جازه بطيب ولاتجي منك شينه
والضيف قوم بواجبه والله امعين
عوايد اهل الجود يكرم بحينه
وان شفت من يسعى بفرقاء القريبين
خله يسار الدرب وانته يمينه
اسمع مليح الهرج وعرض عن الشين
لاتصير للهراج مثل الكبينه
عجاب صالح الحنتمي