الله يجمل حال شارع وراكان
ولافي ولد سالم عسى الطيب فاله
وافين معي بكل حزه وميدان
كلن يلبي مطلبي بالرساله
اشهد شهادة حق ماني بغلطان
رفقه وخلق وطيب ساس ورجاله
ان جاء مجال لمدحهم ياهل الشان
ذكرت مافيهم بصدق وبساله
الطيب له بوجيه الاجوادعنوان
ويصعب على من دوره في رياله
من يزعله مدحت طويلين الايمان
يطق راسه في شوامخ جباله
جعله مايرضى لين يطوى بالاكفان
راع الردى مايحب راع الجماله
ماقل دل وزايد الهرج نقصان
قلته وقبلي من سبقني وقاله
عجاب صالح الحنتمي