الحمد للي على الاقدام مشاني
من بعد ماني طريح افراش ماقومي
مسير الدم الاحمر وسط شرياني
راجيه علام مخفي يفرج همومي
لابد يومن يجيني فيه دياني
ومدري من اللي يجردني من هدومي
مؤمن وماخاف هذا قدر الانساني
مادايم الا الكريم وغير مايدومي
اخاف يوم الحساب ايخف ميزاني
ماني عن الذنب والهفوات معصومي
عن ارذل العمر يامعبود تحماني
يارازق الطير ناصر كل مظلومي
كلي امل فيك نفرج كل الاحزاني
مايصير للعبد في دنياه مقسومي
عجاب صالح الحنتمي