يالله ياالمعبود يامالك الملك
يا واحـد ماله شريك ولا نـد
أثنى عليك الخير كله وأبجلك
ولك المحامـد كلبوها بـلا عـد
سبحان رب سخر البحر للفلك
تجري بها الأرياح فالجزر والمد
بين الرجا والخوف حنا نعاملك
وأنت الكريم وظننا فيك تسعد
جميل لطفك غرنا مـع فضايلك
عفوك عظيم ورحمتك بالموحد
ياقلب لاتقفي عن اللي معاملك
بإحسانه وتجزاه ياقلب بالصـد
ليا متى طول الأمل عنه مشغلك
َالمـوت له موعـد ولأعمارنا حـد
إذا حظـر ميعادهـا مـايمهلـك
وللكـل منـا يـامـلا يـوم لا بـد
ومادام من يغليك لامـت غسلـك
ونزلك في قبرك ودمعه على الخد
ماينفعك بعـده بعيـد تجاهلـك
ولا ينفعك من باقي الناس واحد
ويالله بعفو منك يامالك الملك
يـا واحـد مـاغيـرك إلـه يعبـد