البارحه لين اذن الفجر سهران
اراقب النجم المسمى الرقيبه
اتعبني التفكير والجسم هزلان
والقلب للهوجاس مثل الضريبه
لاعاشق الدنيا ولاني بطربان
ولاهو هوى لمشطات الذويبه
بلاي فاقد لي قرايب وصدقان
ياصعب فرقاهم وطول المغيبه
غبر السنين اللي تقل ريش غربان
كم فرقت بين الصحيب وصحيبه
لابد ماياتيك للعمر ديان
شباب والا كاسي الراس شيبه
الموت حق وماعن الموت مزبان
للاخره يالعبد حث النجيبه
يوم القيامه بين رابح وخسران
مايضيع عند الله حبة زبيبه
كلام يصغي له من الناس فهمان
قاس الامور الهينه والصعيبه
عجاب صالح الحنتمي