صوت وصدى
(الشامخة ) حسبي عليــها ملايين
وحسبي ع من قام وانشاء لها حساب
جتني و انا مدري بها مين و منين
و عنّي تذرّت حسبها الله بالالقاب
وجابت لهـا شعراً يعــدل موازين
شعراً لقى عندأكثر الناس الاعجاب
من افكارها الحلوه ومضمونها الزين
ياكثر ما نعاجت على شانها ارقاب
قامت تنقّى و تاخذ اللي تبي لين
صكت عليّه من ورى الساحه الباب
الشاعرة )العنود
يالله ياللي تــنصر الــحــق وتـعـين
عني وعاوني على ضبط الاعصاب
ثــارن مع الهاجــوس ثورت براكين
لــوان لــه مــدة مــودى والا جـــاب
عـنــود هي اســبابه اول وهــالــحين
تــــدعي علي مــن الميانه والاعجاب
وش لون تحسدني على نظم بيتين
الهى بهن عن ضيق صدرٍ له اسباب
مــــا كنـها اللي للــجـزالـــة عنــاوين
جــواهرٍ تسبى عقــول اهل الالباب
نسج الخيـال وواقع اللي ترى العين
تصـوغهـن على مــضامـين واداب
افخربـها لــوكان ويني وهــي وين
لاقــرب دار ولا عـمـومه ولا انـســاب
عنــدي شهــادتها تــســـاوي ملايين.
فـخـــرٍ يلــبسني مـــن العــز جـلـباب
تزيدني قــدر وعــزيــمه وتــمـكــين
عنــد القــــرابة والرفاقة والاجناب
شموخ الأصيلة