النّوم ماياتي معي بالسّهولة
اتعب معاه ايلين بالقوّة آجيبه
اقهر عِناده لين انوّخ ذلوله
وانتم تبوني بعد ماجبته آسيبه
حرام كيف تخسّروني بطولة
وكُنت استحق الفوز والكل يدريبه
ياليت ناصرتوا فتى في ميوله
وشجّعتوا إبداعه على قو ترتيبه
وثمّنتوا إصرار احتماله حموله
من قو باسه فالكُرَب ما اختلف طِيبه
وسبتوه في نومه يلاقي حلوله
النّوم راحة بال من زاد تعذيبه
الشّاعر/ خالد بن عبيد بن معتوق الأحمدي